Վազերի ձևավորման բազմաթիվ համակարգեր կան,որոնց էական տարբերությունը այն է, թե վազը ինչպիսի բուն ունի, թևերը քանիսն են և ինչպես են դասավորված լարերի վրա ( միակողմանի,երկկողմանի,քառակողմ),թե մատերը և շիվերը ինչպիսի դիրք և դասավորություն ունեն և այլն: Ձևավորման բոլոր համակարգերի դեպքում էլ աշխատում են վազի բազմամյա և միամյա մատերը այնպես դասավորել տարածության մեջ, որ դրանք առավելագույնս օդ, լույս և ջերմություն ստանան:
Այսօր Արտակ Ռշտունու հետ միասին Սարալանջի խաղողի ողկույզները փորձում էինք պաշտպանել միջատներից և թռչուններից: Կտորի պարկերի մեջ էինք դնում ողկույզները և կապում:
Այս տարվա ճամբարն առանձնահատուկ է. գրավիչ և հետաքրքիր, միշտ խնամված, թարմ լողավազան-լողափը, խոհանոցը՝ իր ժպտերես բարեհամբույր խոհարարով՝ տիկին Անահիտով, ով միշտ պատրաստում է թարմ ու համեղ ուտեստներ: Ճամբարի գլխավոր բաղկացուցիչը լողն է: Լողորդ ճամբարականը պետք է իր հետ ունենար բոլոր անհրաժեշտ լողալու պարագաները: Քանի որ ճամբարում հավաքված են նաև հանրապետության այլ դպրոցների տարատարիք սովորողներ, ինչպես նաև՝ արտերկրից, պետք է ապահովել նրանց ներառումը մեկ ճամբար-խմբում: Լողափնյա ճամբարի ընթացքում իրականացրել ենք՝ Բովանդակություն. ընթերցանություն, մեդիահմտությունների զարգացում, բլոգավարություն, լող, հեծանիվ, վազք, շախմատ, էստաֆետային խաղեր, պարտիզապուրակային գործ, նկարչական պլեներ, ֆիլմի և տեսաֆիլմի դիտում, բնագիտական փորձեր, այգեգործական աշխատանք, երգ ու պար, ճամփորդություն «Մխիթար Սեբաստացի» կրթահամալիրի բոլոր դպրոցներում, հյուրընկալ սրահներում:
Լողափնյա ճամբարի ընթացքում, ճամբարականները հարստացրին և ամրապնդեցին երևակայությունը, հմտություններն ու կարողությունները, ստեղծագործական փորձը, ձեռք բերեցին նոր ընկերներ, ճամփորդեցին:
Լողափնյա ճամբարը շարունակվում է: «Մխիթար Սեբաստացի» կրթահամալիրը սիրով սպասում է իր ճամբարականներին:
Ճամբարային առօրյան սկսեցինք ընդհանուր պարապունք-տողանով: Այնուհետև ճամբարականները պատրաստեցին մրգային կեքսեր, որն էլ կհամտեսենք այսօր՝ մեր ճամբարական Ջորջի տարեդարձին:
Ճամբարային գործունեությունը շարունակեցինք Հարավային դպրոցից քայլքով գնացինք Մայր դպրոց՝ «Տիգրան Հայրապետյան» գրադարան: Գրադարանուհի՝ Տիկին Նոնան ծանոթացրեց գրադարանի հետ, ինչպես են օգտվում գրադարանից, բոլոր կանոնները: Ճամբարականները ընտրեցին գիրք իրենց ցանկությամբ և ընթերցեցին: Ես ընթերցեցի Ջաննի Ռոդարիի «Ոչինչից մարդուկը» ստեղծագործությունը և միասին քննարկեցինք:
Մեր հետաքրքիր լողափնյա ճամբարը շարունակվում է: Այսօր ճամբարականները քայլքով Հարավից շարժվեցին Մայր դպրոց, եղան Սեղանի թենիսի սրահում: Ճամբարականներն ընկեր Հասմիկի օգնությամբ սովորեցին և լավ խաղացին թենիս:
Ճամբարականները ուրախ լողից հետո, կատարեցին բնագիտական փորձ, որի համար անհրաժեշտ էր՝ մոմ, ջուր, փուչիկ: Հերթական փորձն անցավ շատ հետաքրքիր: Արտերկրից և այլ դպրոցներից եկած ճամբարականներին շատ դուր եկավ փորձը:
Մեր հետաքրքիր լողափնյա ճամբարը շարունակվում է: Առավոտյան ընկեր Մարիամն ընդհանուր պարապմունք անցկացրեց՝ երգեցինք և պարեցինք ազգային երգեր: Այսօր Հարավային դպրոցից քայլքով գնացինք Ուսումնական ագարակ: Ընկեր Էդգարի օգնությամբ խնամեցինք, կերակրեցինք կենդանիներին և ձիավարեցինք: Շատ հետաքրքիր օր ունեցան ճամբարականները: Շատերն առաջին անգամ էին այցելում կրթահամալիրի Ուսումնական ագարակ:
Ճամբարականները բացօթյա լողավազանում մի լավ լողացին, հանգստի ժամանակ խմեցին իրենց պատրաստած ամառային կոմպոտը:
Այնուհետև կոմիտասյան երաժշտության տակ, երեխաները նկարեցին երգից իրենց սիրելի հատվածը: Ճամբարականների համար նվագում էր ընկեր Լիանան: Մի խումբ ճամբարականներ երգում էին երգը, իսկ մյուսները՝ նկարում:
Ճամբարային օրվա ավարտին, ճամբարականները խնամեցին Հարավային դպրոցի սենյակային բույսերը, պոկեցին չորացած տերևները, ջրեցին ծաղիկները:
Լողափնյա ճամբարականները իրենց ճամբարային երրորդ օրը սկսեցին ընդհանուր պարապմունքով: Այնուհետև Հարավից քայլքով այցելեցինք մեր կրթահամալիրի քոլեջ` ջերմոց-լաբորատորիա: Տիկին Շողիկի հետ միասին շրջեցինք ջերմոցում, ծանոթացանք բույսերի, թռչունների, ձկների և կրիաների հետ:
Համագործակցային նախագծի շրջանակում, Արևելյան դպրոցի լողափնյա ճամբարի ճամբարականների հետ միասին, տիկին Շողիկի օգնությամբ, նորատունկ բույսեր վերցրինք ջերմոցից և տնկեցինք Արևելյան դպրոցի նորաստեղծ ծաղկանոցում:
Ճամբարային օրը ճամբարականները շարունակեցին Հարավային դպրոցի բացօթյա լողավազանում: Լողավազանում երգեցին, խաղացին գնդակով և օղակով: Ընթացքում ճամբարականներն աշխատում էին գուաշով՝ գունավորելով լողափի քարերը:
Հետաքրքիր և հագեցած ճամբարային օրվա ավարտին, ճամբարականները բերքառատ Հարավի ծիրանենուց և բալենուց հավաքած մրգերից պատրաստեցին ամառային կոմպոտ, որը ճամբարականները կհամտեսեն վաղը:
Ճամբարականներն այսօր ընդհանուր պարապմունքից հետո, ճամփորդեցին դեպի կրթահամալիրի Աստղացուցարան: Ընկեր Էմանուելի հետ դիտեցինք աստղերի և մոլորակների մասին պատմող տեսաֆիլմեր: Նրանցից շատերն առաջին անգամ էին Աստղացուցարանում և շատ մեծ հետաքրքրությամբ դիտեցին տեսաֆիլմը, իսկ ճամբարականների ակտիվ հարցերն ու պատասխանները, շատ գոհացրեց ընկեր Էմանուելին` ասելով Հարավի խելացի ճամբարականները:
Ճամբարային օրը շարունակեցինք լողավազանում` քարերի գունավորմամբ: Երեխաները լողում էին և հանգստանում, նկարում գուաշով, իսկ ջրում խաղացինք շատ հետաքրքիր խաղեր օղակով և գնդակով:
Այնուհետև այգեգործական աշխատանք արեցին ճամբարականները` հավաքելով Հարավային դպրոցի ծիրանն ու բալը, ջրեցին ծառերն ու ծաղիկները: Մեր հավաքած համեղ և գունեղ մրգերից, պատրաստեցինք ամառային կոմպոտ:
Լողափնյա ճամբարը շարունակվում է։ Հարավային դպրոց-պարտեզի ճամբարականներն օրը սկսեցին ընդհանուր պարապմունքով, երգ ու պարով, մարզական խաղով։
Ճամբարականերն այսօր քայլքով գնացին Հյուսիսային դպրոց և հանդիպեցին ընկեր Ալիսին։ Քանդակի դպրոցում իմացան, թե ինչպես են աշխատում կավի հետ և ինչ է անհրաժեշտ կավով աշխատելու համար։ Օրն անցավ շատ հագեցած։ Ճամբարականները խաղացին ինտելեկտուալ խաղեր՝ «Թվաբանական լոտո», «Այլ կերպ»,«Աշխարհագրական տեղանքեր»․․․ Այնուհետև լողացին բացօթյա լողավազանում՝ ջրում խաղալով տրամաբանական խաղեր։