Կազմակերպիչ- Հարավային դպրոց-պարտեզ
Ժամանակահատված ՝ Հունվար 9-30
Անցկացման վայրը՝ Հարավային դպրոց պարտեզ
Մասնակիցներ՝ 3-րդ դասարանի սովորողներ
Նպատակը՝ Ստուգատեսը կազմակերպվում է սովորողների, ուսուցիչների ինչու չէ նաև ընտանիքի անդամների համար, որի ընթացքում կներկայացնենք, կբացահայտենք բնության ուսումնասիրման համար տարաբնույթ գործնականորեն կիրառվող փորձեր։ Նախագծի իրականացման ընթացքում կզարգացնենք բնագիտական, ստեղծագործական և տեխնոլոգիական մտածողությունը։
Անվանակարգերը՝
- Ինքնաշեն խաղալիքներ
- Բնատեխնիկական հավելվածներ (հեռախոսային հետաքրքիր ուսումնական հավելվածներ’ ապարների, բույսերի, տեղանքի բարձրության որոշման և այլն)
- Բնագիտական փորձեր
- Իմ ստեղծած գործիքը, հայտնի գործիքի նոր կիրառում
- Դպրոցը՝ բնագիտական շուրջտարյա լաբորատորիա
- Բնագիտական գործունեությունը ընտանիքում
- Բնագիտատեխնիական բաց պարապմունքների փաթեթ սովորող-սովորեցնող նախագծի շրջանակներում
- Բնագիտական գործունեությունը իմացումի հրճվանք ծրագրում
Ինքնաշեն խաղալիքներ — տարբեր նյութերից խաղալիքների ստեղծման ընթացքը, խաղի կանոնները, ցուցադրումը:
Բջջային հավելվածներ — սովորողների հետ փնտրել, գտնել հեռախոսային հավելվածներ, որոնք կարելի է կիրառել բնագիտական ուսումնական պարապմունքների ժամանակ։ Յուրաքանչյուր հավելվածի համար ստեղծել ուղեցույց, որը կօգնի տվյալ հավելվածից օգտվողին։
Իմ ստեղծած գործիքը, հայտնի գործիքի նոր կիրառում: Սովորողները ներկայացնում են տանը կամ դպրոցում իրենց կողմից ստեղծած գործիքները, որոնք կիրառելի են առօրյա կյանքում, կարելի է նաև հին իրերին, թափոններին նոր կիրառություն տալ։ Կրտսեր տարիքի սովորողները կարող են նաև ներկայացնել իրենց ծնողների օգնությամբ ստեղծած գործիքները:
Ուսուցողական խաղերի և ծրագրերի կիրառություն: Այս անվանակարգում սովորողները ներկայացնում են իրենց կողմից հաճախ օգտագործվող ուսուցողական խաղերն ու ծրագրերը, որոնք օգնում են ուսումնական պրոցեսի ընթացքում: Առավել բարձր կգնահատվեն հեղինակային խաղերն ու ծրագրերը:
Դպրոցը՝ բնագիտական շուրջտարյա լաբորատորիա, բնագիտական փորձեր:Դասավանդողները սովորողների խմբի հետ ներկայացնում են դպրոց պարտեզում աստեղծված միջավայրը, ներքին, արտաքին ջերմոցները, ծաղկանոցները, իրենց կողմից կատարած բնագիտական փորձերը։
Բնագիտատեխնիկական գործունեությունը ընտանիքում։ Սովորողն իր ընտանեկան դպրոցում ներկայացնում է իր բնագիտական գործունեությունը /բնագիտական փորձեր, կանաչ անկյուն կամ ծաղկանոց, բույսի կամ կենդանու խնամք և այլն/։
Բնագիտական գործունեությունը իմացումի հրճվանք ծրագրում։ Դասվարները ներկայացնում են են իրեն և սովորողների բնագիտական գործունեությունը իմացումի հրճվանք ծրագրով։
Լուսինե Սարգսյան 